NATIONAL- Nagpapabilin an suporta han grupo ni Mayors for Good Governance (M4GG) ha nagin desisyon ni Baguio City Mayor Benjamin Magalong nga binmul-iw kumo miyembro han Independent Commission for Infrastructure (ICI), kasunod ine han mga isyu nga kasumpay ha ghost at substandard projects.
Subay ha grupo, ginkikilala nira an panindugan ni Magalong para ha transparency ngan accountability, ngan nagtutuo hiyra nga kaparte ine han haluag nga ayat agud nga magin maupay an gobyerno.
Nagpahayag gihapon an Quezon City government nga nagpapadangat hin pagsuporta kan Magalong kumo convenor han M4GG ngan kasugbong ha reporma han gobyerno.
Kausmpay hine, gin-anunsyo han mga alkalde an plano nira nga magdumara han kalugaringon imbestigasyon h mga proyekto nga nga gintutudlok ni Magalong, ngan nagpatapod nga igpapa-angbit an mga resulta ha ICI agud nga makabulig ha mas hilarom nga panginano.
Samtang, gintudlok naman hi Ex-PNP Chief Azurin kumo special adviser and investigator han ICI – Malakanyang.
Hi Azurin an binmalyo ha pwesto ni i Baguio City Mayor Benjamin Magalong.
Subay ha Office of the President, titikangan ni Azurin an iya mandato nga traaho mahuman nga matadong an personal ngan administrative arrangement.
Nagpasalamat naman an Palasyo kan Magalong ha nagin kontribusyon hine nga mapabilin an integridad ngan kredibilidad han ICI.
