Suspendido hin usa nga mulay hi Los Angeles Lakers star Luka Doncic mahuman nga mahipatik an iya ika-16 nga technical foul yana nga season.
Mahitungod hini, dire makakamulay hi Doncic ha mulay han iya koponan kontra Washington Wizard ha Lunes.
Nakuha ni Doncic an technical foul ha ikatulo nga quater han daog han Lakers kontra ha Brooklyn Nets dida han Biyernes ha iskor nga 116-99. Nagkamay-ada hin away hi Doncic ngan an Nets forward nga hi Ziare Williams mahuman hiya tawagan hin offensive foul.
Subay ha liga, otomatiko nga mapapahamtangan hin usa ka-mulay nga suspeksyon an ika-16 nga technical foul han usa nga player. Ginbabana-bana naman nga sobra-kulang $264,000 an mawawara ha tinuig nga sweldo ni Doncic.
Ha ilarom han patakaran han NBA, kada kadugangan nga duha nga technical fouls mahuman han ika-16 in kaparehas han panibag-o nga usa ka-mulay nga suspensyon.
Ha kaluyo hini, nagpapabilin nga dominante hi Doncic yana nga season, nga may-ada record nga 33. 7 points, 8.2 assists, ngan 7.8 rebounds kada mulay.
