TACLOBAN CITY – Ginklaro han Land Transportation Office (LTO) nga an mga gintatawag nga restricted individuals la an makaka avail han 2 ka bulan nga validity extension han permit o drivers license.
Sumala kan Atty. Ledwino Macariola, Assistant Regional Director han LTO Region 8, nga an mga restricted individuals amu adton mga license holder nga nag e-edad 17 ngada 21 ngan 60 ngada 65 anyos.
Dugang pa hini nga nabugos an mao nga extension mahuman nga maobserbaran nga damo nga mga restricted individuals an nangag expire na an lisensya pero diri nakakapag renew matungod an mga in diri pa ginrerekomenda nga gumawas ha ira mga panimalay tungod ha hulga han COVID-19 labi na ha mga lugar nga nakapailarom la gihapon ha ECQ o GCQ.
Mababaruan nga an mao nga extension han mga student permits, non-professional ngan professional driver’s licenses, ngan conductor’s licenses in magpapabilin kutob ha December 31, 2020.
