NATIONAL– Gin-anunsyo han Land Transportation Franchising and Regulatory Board (LTFRB) nga ira papalusaran hin multa an Transport Network Vehicle Services (TNVS) nga magkakansela hiton bookings han ira mga pasaheros.
Ginpahayag ni LTFRB Chairman Vigor Mendoza, ine in baton ha reklamo nga ira nakakarawat kasmupay ha hurak nga kanselasyon yana nga holiday season.
Subay ha ha LTFRB Memorandum Circular 2025-055 an mga pinalidad in ginkakalakipan han syahan nga pagtalapas nga mayda P5,000; para han second offense P10,000 ngan pag-impound han unit ha sulod hiton 30 ka-adlaw ngan an ika-tulo in P15,000 nga multa kasama na an kanselasyon han Certificate of Public Convenience kun diin otorisado an unit.
Ginkokonsidera nga pagtalapas ha Refusal to Convey Passenger an hino man nga drivers nga nagkansela han booking mahuman nira ine nga karawaton ngan kompirmahon ngan ine in may kabalyo nga sirot nga nasusubay ha Joint Administrative Order 2014-01.
Ha ilarom han bag-o nga memorandum, an multa in pwede nga igpatuman kun an driver in nagkansela hiton booking mahuman baribaran an pasaheros, kabalyo han mas hitaas nga kuhida o pamili hiton pasaheros sugad han senior citizens ngan persons with disabilities.
