TACLOBAN CITY – Nanawagan an buhatan han Land Transportation Franchising and Regulatory Board o LTFRB-8 ha mga drivers ngan operators nga kuhaon na an ira mga fuel subsidy cards ha Land Bank agud nga mahigamitan na ine nira.
Sumala kan Veronica Reposar, Transportation Development Officer 2 han LTFRB Regional Office 8, nga damo pa an mga operators nga waray mag-claim han ira mga fuel subsidy cards ha Land Bank matungod nga kulang pa an mga ine han ira mga resikitos nga gin-aaro hiton mao nga buhatan.
Dugang pa han mao nga opisyal kadam-an mangud in nakukurian nga mag-comply han mga dokumento sanglit nga nanawagan hira nga talinguhaon nga maghikay na an mga benepisyaryo han nasabi nga programa han LTFRB-8.
Ginmalatumat pa hine, nga kanugon kun dire nira ine makukuha matungod nga duha na ka tranche an sulod han mao nga fuel subsidy card, kun diin an syahan in maabot ha P7,200 ngan an ika-duha in naman ada ha P6,500, sanglit nga maabot na ine ha P13,000 an ira makukuha nga subsidiya.
