TACLOBAN CITY – Nagpahimatngun an Land Transportation Franchising and Regulatory Board LTFRB-8 ha publiko nga mauli ha ira tagsa tagsa nga mga lugar, nga dire sumakay hitun mga kolorom nga mga pampasaheros nga sarakyan o an waray mga prankisa yana nga holiday season.
Sumala kan Veronica Reposar, Transportation Officer-2 han LTFRB- Regional office 8, nga damo iton kolorom nga mga sarakyan ha Sinirangan Bisayas labi na yana nga tipagbarag-o nga tuig.
An pag sakay hin kolorom in delakado, ine tungod waray passenger insurance, waray may makakarawat nga bisan ano an mga masakay hine kun mayda mahitabo nga dire maupay, mahitungod nga dire man ine rehistrado kumo passenger vehicle.
Dugang pa ni Reposar nga waray van nga nabiyahe Tacloban-Manila, dire mangud gintutugutan iton mga van nga magbiyahe hiton sobra 60km ngan dire gihapon gin tutugutan nga bumiyahe ine hin durudiretso.
An Anti-colorum campaign nga ginbubuhat han LTFRB-8 yana nga holiday season ine in kaupod hiton ira gihapon Oplan Byaheng Ayos 2022, kun diin gin sisigurado ine nga maupay ngan talwas nga makakabiyahe an mga manarakay yana nga ti-arabot nga pasko ngan bag-o nga tuig.
