TACLOBAN CITY – Pormal na nga ginlunsar han Land Transportation Franchising and Regulatory Board LTFRB-8, dinhi ha syudad han Tacloban an lima nga mga bag-o nga unit hin mga pampubliko nga sarakyan nga mayda ruta nga para V&G.
Sumala kan Veronica Reposar, Head hiton Transportation Development Office han LTFRB Regional Office 8, an usa nga Class 1 unit han modernized PUJ in maagi ha ruta han Tacloban City – V&G Phase 3&6 ngan vice versa, ngan upat naman nga Class 1 unit an maagi ha ruta han Tacloban City – V&G Phase 2&3 ngan vice versa.
Pero pagklaro hini, dire pa naman daw mapi-phase out an iba nga mga tradisyonal nga mga sarakyan mahitungod nga naghuhulat pa hira hin direktiba tikang ha naman central office.
Mag-iba naman daw an taripa ngan an pamasahe han nasabi nga bag-o nga unit kumpara han mga traditional nga jeep.
