-- Advertisements --
TACLOBAN CITY- Patay an usa nga Locally Stranded Individual (LSI) nga lalaki mahuman nga magbigti ha kalugaringon hine panimalay ha Brgy.97 Cabalawan Tacloban City.
An mao nga lalaki in usa nga 32 anyos,mayda kalive in partner ngan usa nga karpentero.
Subay ha inisyal nga imbestigasyon nga nagkaada ine hin problema ha iya pamilya ngan maiha na ine niya nga gintitinago.
Sumala kan P/Lt.Concas Castillo Deputy Station Commander han Police Station 2 Kawayan Extension,nga nahisabutan daw han mao nga biktima nga mayda iba nga karelasyon an iya asawa kun diin iya ine gindinamdam ngan nagpinanmoroblema.
Waray naman nakikita nga foul play an kapulisan bahin han mao nga insidente.
