TACLOBAN CITY- Ginpaangbit han Leyte Police Provincial Office (LPPO), nga nakag-augment na an ira han-ay hin mga kapulisan ha mga barangay ha probinsya han Leyte.
Sumala kan Leyte Police Provincial Office (LPPO), Information Officer, PLT. Mary Antonette Espina, nga mahugot an ira pagbabantay ha mga natudlok nga may mga lugar, nga nakaghipatik na hiton mga untoward incident partikular na yana nga tikaharani na an piniliay.
Dugang pa ni Espina, ira ginpanbatag-batag an tinaglawas han ira han-ay, ha probinsya han Leyte, 5 nga munisipalidad an natudlok kumo yellow alert, sugad han; Palompon, Albuera, Villaba, Hilongos, Tabon-Tabon.
Ginmalatumat naman hine, nga mayda gihapon hira naka-augment nga mga tinaglawas, ha 4 nga bungto han 3rd district nga kun diin naka-isa ha orange category sugad han; Leyte, Calubian, Tabango, San Isidro, ngan usa nga district han Baybay City.
An nasabi nga mga lugar, in natudlok, nga mayda mga history hin election incident ha duha nga magkasunod nga election.
Posible naman nga madugangan an ira mga gin-augment nga tinaglawas hiton kapulisan, pananglitan nga kinahanglanon ine para ha seguridad han piniliay.
