TACLOBAN CITY – Ginmalatumat han Leyte Police Provincial Office (LPPO), nga andam na an ira han-ay para ha pag deploy han ira mga personnel, para ha pagdudumaraon nga Pintados Kasadyaan Festival ha Grandstand Tacloban, kasumpay n gihapon ha tiarabot nga kapatrunan ni Sr. Sto. Niño de Tacloban.
Sumala kan PCpt. Hazel Vacal, Information Officer han Leyte Police Provincial Office, maabot ha 255 an ira igpapasarang ha maabot nga Hunyo 25 ha adlaw kun sano pagdudumaraon an nasabi nga aktibidad hangtod ha Hunyo 27, 2024 kun diin pagdudumaraon na an na pagsalida han mga ine.
Ginpaangbit hine, nga nakapukos an ira mga tinaglawas ha sulod la hiton Grandstand, matungod nga an kapulisan naman hiton Tacloban City Police Office, an magbabantay ha gawas agud nga sigiraduhon nga magigin mahimyang ngan malinampuson an nasabi nga tinuig nga aktibidad.
Nanawagan naman ine ha publiko, nga magkikita ha mao nga aktibidad nga maki-kooperar ha mga ginpapatuman nga aludayday han ga otoridad, sugad han pagbabawal han pagdara hiton mga magtarom nga hinganiban, agud nga dire makag-kawsa hin untoward incident ha mao nga adlaw.
Mababaruan, waray tuguti hiton syudad han Tacloban nga makag parada an Pintados Kasadyaan ha Hulyo 27, 2024 sanglit nga ha Grandstand nala gindumara an nasabi nga presentasyon.
