TACLOBAN CITY — Patay an usa nga lolo mahuman nga pagpamalbagon han iya kalugaringon apo ha Barangay Calantiao, Bobon Northern Samar.
Ginkilala an biktima nga hi Melanio Casiñas Baldestoy, 70 anyos an pangidaron, usa nga parag-uma.
Samtang an suspek naman in ginkilala kan John Paul Casiñas, 20 anyos an pangidaron ngan residente han mao nga lugar.
Sumala kan PSI Ricardo Banjawan, Hepe han Bobon MPS, nga una anay nga nagkamay-ada hin mapaso nga delito an suspek ngan bugto hini.
Didto naman sumulod an lolo nira agud nga sawayun an suspek pero imbes nga magpasaway lugod in ginpanmamalbag an biktima gamit hin 2X3 nga kahoy.
Nadara pa ha ospital an biktima pero ini in gindeklara na nga dead on arrival tungod han naangkon nga brain hemorrhage.
Boluntaryo naman nga sumurrender ha stasyon han kapulisan an suspek nga ha pagkayana in naatubang na ha kaso nga homicide.
Nabaruan nga hubog an suspek durante han mao nga insidente.
