TACLOBAN CITY – Nagdumara hin inspeksyon-panginano an ahensya hiton Leyte Metropolitan Water District (LMWD) ngadto han mga source o gintitikangan han suplay han tubig ha syudad.
Sumala kan Ronnie Cornico, General Manager hiton Leyte Metropolitan Water District (LMWD), nababaraka daw iton alkalde han syudad kasumpay hiton El Niño sanglit nagdumara ine hin panginano ha mga source hiton tubig.
Ginbisita daw hine an source han tubig ha may Siren ngan Cabalawan nga area pero guba na daw iton usa nga motor ha may Cabalawan sanglit usa la nga pump an nagana hine.
Waray naman daw problema hiton suplay han tubig tipakadto ha norte mahitungod nga an main supply in aada na ha Siren.
Nagkakaproblema la ine mahitungod nga generator la iton gamit han pagpaandar hine.
