TACLOBAN CITY – Naka-abat an lima nga Barangay ha San Miguel Leyte, mahitungod han waray hunong nga uuran yana nga semana.
Sumala kan Atty. Norman Sabdao Municipal Mayor han San Miguel Leyte, may-ada maabot 71 nga mga panimalay an iginpa-ilarom hin force evacuation han nakalabay nga adlaw tungod nga an mga ine ada ha mga low-lying areas han San Miguel Leyte
Subay han mao nga opisyal, may-ada barangay nga nalapwas na ha karsada an tubig baha pero waray naman daw maabot an bungto tungod han mga flood control structure nga mga projects nga ginhimo.
Apektado gihapon an agrikultura nga pananom ngan amo iton usa nga problema han mao nga bungto kun diin nagpakasabwag na daw an mga ine ngan an iba in nagpakatanom na ngan dayos ine ngatanan.
Samtang nakatalaan naman yana nga adlaw makipaghimangraw ha Sangguniang Bayan an, kun diin ighahangyo han pamunuan han San Miguel, nga igdeklara an bungto ha ilarom han state of calamity tungod nga dako an danyos hine ha agrikultura ngan naapektaran an lima nga mga barangay mahitungod han waray wantas nga uuran.
