TACLOBAN CITY – Nakatalaan nga maghatag hin pinansyal nga ayuda an LGU-Tanauan MDRRMC ha usa nga municipalidad ha Bicol region nga duro nga nadarahigan han Super Typhoon Rolly.
Sumala kan Tanauan Mayor Pel Tecson, nga napagkasarabutan nira nga maghatag hin 200,000 pesos nga financial support ha munisipalidad han Albay nga labot la ha nabagyohan in nadarahigan gihapon han lahar flow han Mayon Volcano.
Dugang pa hini nga nagin moral obligation na han ira LGU an bumullig ha mga nagkakabibiktima hin kalamidad kumo pagbalos han bulig nga ira nakarawat dida han panahon han paglasurbo ni bagyong Yolanda.
Ha pagkayana in iginpasa na nira ha Sangguniang Bayan an mao nga resolusyon ngan ginlalauman nga sunod nga semana in mahahatag na an mao nga ayuda ha Albay.
