-- Advertisements --
TACLOBAN CITY – Ginkakabarak-an han Local Government Unit han Mapanas, Northern Samar nga mapuno an ira quarantine facility ha nakatalaan nga pagpakaabot han panibago nga mga locally stranded individual (LSI) ha ira bungto.
Sumala kan Joe Louis Gajutos, Local DRRM Officer han Mapanas, agud nga makontrol ini nagpalusad hin kamanduhan an ira bungto nga diri pupuydi nga makauli an usa nga LSU kun waray acceptance letter.
An acceptance letter in iginhahatag han LGU han Mapanas ha mga nangunguli nga LSI depende ha kadamo han abilable ha quarantine facility.
Nanawagan naman ini hin kooperasyon ha mga LSI agud nga malikayan an pagkalat han COVID-19 ha ira munisipalidad.
