TACLOBAN CITY – Padayon an pandistribwer han Leyte Provincial Health Office han mga COVID-19 vaccines ha mga district hospital ha bug-os nga probinsya.
Ini in mahuman nga maghatag na hin alokasyon han Sinovac ngan AstraZeneca vaccines ha probinsya han Leyte tikang ha regional health department.
Sumala kan Dr. Lesmes Lumen, Leyte Provincial medical consultant, pira han ira mga natagaan na hin bakuna an bungto han Abuyog, Baybay, Hilongos, Burauen ngan Burauen.
Yana naman nga adlaw in natagaan na gihapon hin alokasyon an Tabango, Calubian, ngan Palompon agud nga makatagtikang an vaccination rollout ha mga ini buwas nga adlaw.
Nakadepende naman an alokasyon ha mga district hospital ha kada bungto ha kadamo han mga empleyado han ira ospital nga nagsignify nga magpapaturok hin bakuna.
Nahibaruan nga pagkahuman ha mga district hospital in sunod nga babakunahan an mga field health personnel, frontliners ngan medical workers ha mga rural health units.
