TACLOBAN CITY– Gipaangbit hiton buhatan han Leyte Metropolitan Water District, nga plano nira nga utdon an ira koneksyon ha Prime Water Leyte Metro, ngan magkamayda hin kalugaringon nga koneksyon matungod nga madugay na nga waray katutuman an ira mga service obligation para ha mga konsumidor.
Sumala kan Ronnie Cornico,General Manager, Leyte Metropolitan Water District, haros 5 na katuig tikang han magin tie-up han ira buhatan ngan hiton Prime Water Leyte Metro, ha panuyo unta nga mas magin maupay pa an ira maihahatag nga serbisyo ha publiko.
Ginpaangbit pa ni Cornico, nga kadam-an nga ira nakakarawat nga reklamo, an kamahinay nga suplay hiton tubig ngan serbisyo, sugadman koneksyon ha kakarsadahan nga mayda mga leakage, kun diin damo iton nakakarag nga tubig.
Dugang pa ni Cornico, usa gihapon ha mga rason kun kay-anu dire natratrabaho dayon an mga problema ha karsada, matungod nga dire han mga ine ginbabayaran an ira mga contractor.
Ginmalatumat pa hine, nga an Prime Water Leyte Metro in, narenta la hiton mga ekipahe tikang ha Leyte Metropolitan Water District.
