TACLOBAN CITY – Patay an usa nga lalaki mahuman nga pagpaninigbason han iya la mismo kainom kadungan han selebrasyon han kapatrunan han Brgy. Piloro han bungto han Carigara, Leyte.
Ginkilala an biktima nga hi Rolando Cariga, 35 anyos, ngan residente han mao nga barangay samtang an suspek naman in natudlok kan Dexter Cañeso, 40 anyos, ngan residente naman han Brgy. San Isidro han mao gihapon nga bungto.
Sumala kan Pol. SMSgt. Niño Hervacio, Imbestigador Carigara Municipal Station, tikang pala ha inom an biktima han magsarit ini ha iya asawa nga makadto ha balay han iya amyaw para gihapon makig-inom.
Nakainom hini an mao nga suspek ngan nagkaada an mga ini hin mapaso nga argumento rason para pagpaninigbason-patay hini an biktima.
Nag-angkon hin tinigbasan an biktima ha magkaluyo nga kamot rason para magkauutod ini sugadman nagresulta gihapon ini ha pagkautod han ulo han biktima.
Ha pagkayana in padayon an ginbubuhat nga hot pursuit operation han mga kapulisan agud nga madakop an mao nga suspek.
