-- Advertisements --
TACLOBAN CITY- Paslak an usa lalaki samtang nga naaktuhan nga nagpipinataya hin swertres ha Palo, Leyte.
Guinkilala an nakatalapas nga hi Raymond Margallo Torre, 19 anyos an pangidaron ngan residente han San Salvador St., Barangay Cavite East, Palo, Leyte.
Sumala ha blotter han Palo PNP nga naaktuhan han mga otoridad nga naaktuhan an suspek ha pagpinataya hin swertres ha pira nga mga residente kun diin pakyas naman ini nga magpresenta hin STL ID.
Nakuha tikang ha poder hini an tally sheets nga may number combinations, kwarta ngan ballpen.
Samtang, naatubang naman ini ha kaangayan nga kaso mahuman nga matalapas an Republic Act No. 9287 o may kalabutan han illegal gambling.
