TACLOBAN CITY – Usa nga insidente hin pagpapakamatay an nahipatik ha Sitio Asinan, Brgy. Cambinoy, Palompon, Leyte.
Ginkilala an biktima kan Orlando Manañita, 39-anyos an pangidaron, usa nga paru-pangisda, ngan residente han nasabi nga lugar.
Sumala kan PCapt. Realthur Tabernero, Acting Chief of Police hiton Palompon Municipal Police Station, problema ha kamag-asawa an ginkikita nga rason han pagpapakamatay hiton biktima mahitungod nga ginbayaan daw ine hiton iya misis.
Basar nga inisyal nga imbestigasyon, ginmamaltrato daw hiton biktima an misis hine sanglit nakigbulag iton iya misis hine haiya. Pero ugsa daw an mga ine nga magbulag in nagyakan iton biktima nga gabay nala hiya magpakamatay kun bulagan man hiya hiton iya misis.
Nakadamo naman daw ine magyakan hin sugad pero waray ine uungod, sumala hiton misis hine, sanglit nakigbulag ine ha biktima. Dire na daw gihpon an mga ine magka-usa hin balay nga gin-uukyan.
Samtang, gumamit naman iton biktima hin kable hin wifi ha paghikog hine kun diin nakit-an ine han iya misis nga nakabitay na ha sulod hiton kwarto hine.
Dugang pa ni Tabernero, waray foul play nga nahitabo ha nasabi nga insidente.
