-- Advertisements --
TACLOBAN CITY – Patay na han matad-an an usa nga ulitawo mahuman nga malumos ha usa nga beach resort ha Cabalawan, Tacloban City.
Ginkilala an biktima kan Daniel Espejo, 26-anyos ngan residente han mao nga barangay.
Sumala kan PMaj. Marjorie Manuta, Information Officer han Tacloban City Police Office, nga subay ha ira gindumara nga imbestigasyon nga kumarigo an biktima kaupod an iya bugto ha mao nga resort, kun diin pag-hagos hin 1 ka-oras in didto nala nahibaro an bugto han biktima nga waray na bumalik an iya bugto ha cottage nga ira ginrentahan.
Dayon naman ini nga umaro hin bulig ha mga kapulisan pero pagkinabuwasan pa nakit-an han usa nga parupangisda an patay nga lawas han biktima ha mao nga dagat.
