ODD NEWS – Usa nga lalaki ha Maine an nagdaog hin $3.2 million o P160 million nga jackpot ha lotto pinaagi han paprehos nga iya numero nga gintinayaan ha sakob na hin 35 katuig.
Sumala lan Gregory McAllister han Windsor Maine, nagtikang hya pagtinaya han iya winning lotto numbers han iya ika-27 nga birthday.
Mahuman an 35 anyos, in nagbunga daw an pag-inantos ni McAllister ha pagtinaya tungod nga han nakalabay nga semana an iya numbers nga 02-09-16-27-30 an gumawas nga resulta han lotto draw.
Di naman makatuod an mao nga lalaki ha iya nagin kadaugan tungod may mga higayon na gihapon daw han naglabay mga tuig nga gusto nala niya magbag-o hin numero nga pagtatayaan ha lotto. Maupay nala daw na waray hiya magpadara han iya kahulop ngan kawaray paglaum lugod in nailob ngan nakaghulat hiya han adlaw nga magdadaog hiya han jackpot prize pinaagi han mao nga number combinations.
