Utro nga nadugngan an halaba nga listahan han mga kakaiba nga world record han usa nga lalaki ha Germany nga kilala ha iya mga kakaiba nga ayat ha padagmitay han pagkaon ngan pag-inom.
Malinangpuson nga nakuha ni Andre Ortolf an Guinness World Record para ha “most honey eaten in one minute”.
Nahitabo an record breaking attempt ha Augsburg City, Bavaria. Dito, waray pagkukuri nga ginkaon ngan gin-ubos ni Andre an kabug-usan nga 1,273 grams o 44.91 ounces han honey ha sulod la han 1 minuto.
Labot ha iya bag-o nga titulo, kilala gihapon hi Andre ha pagdukdok ha iba pa nga world record ha pantag han speed eating ngan speed drinking. Kaupod ha iya mga nauna nga nahipatik in an fastest time to drink a bottle of chili sauce ha kalaksi nga 7.84 seconds. Nakuha gihapon niya an largest amount of ice cream eaten in 30 seconds mahuman hiya makaubos hin 568 grams.
Waray gihapon ini magpa-urhi ha pag-inom mahuman kuhaon an fastest time to drink a liter of tomato juice ha sulod han 55.21 seconds, an fastest time to drink one litre of lemon juice through a straw ha kalaksi nga13.30 seconds, ngan an fastest time to drink one litre of lime juice through a straw han sulod han 13.51 seconds.
