ODD NEWS – Usa nga lalaki ha China an napriso mahuman nga tagaan hini hin ilegal nga mga ngaran an iya mga alaga nga ayam.
Sumala ha Beijing News, usa nga dog breeder ha eastern Anhui Province nga ginkilala ha ngaran nga Ban an gin-aresto han mga pulis mahuman ini nga magpost ha mobile messenger nga WeChat nga ginngaranan niya nga Chengguan ngan Xieguan an iya duha nga bag-o nga ayam nga gin-aatiman.
Naghimo hin kontrobersiya an mao nga post tungod nga an Chengguan ngan Xieguan in nangangaruyag signgon ngayan hin dako nga mga posisyon ha gobyerno han China.
An mga Chengguan an nagpapatuman han balaud bahin han mga small-time nga krimen samtang an Xieguan naman an nabulig ha pagpapatuman han balaud trapiko.
Bisan man kun intrimis la daw ni Ban an paghahatag hin sugad nga mga ngaran ha iya mga ayam, waray naman ini ginkalipay han mga pulis ha ira lugar.
Mahuman nga imbestigaran an insidente in nagdesisyon an mga hintutuinan nga presuhon hi Ban ha sakob hin napulo kaadlaw para ha daw insulto nga ginbuhat hini ha mga otoridad.
Tungod han nahitabo damo ha mga Chinese an nagpapakiana na kun ano pa nga mga ngaran an bawal nga ighatag ha mga alaga nga hayop.
