Usa nga kite enthusiast ha Kyneton, Australia, an nakaghipatik hin bag-o nga Guinness World Record mahuman mapalupad an usa nga banug-banog hin sobra 26 kaoras.
Gindumara ni Angus Johnstone an iya record attempt ha Killarney, Victoria, gamit an kulay asul ngan ube nga banug-banong kumo kaparte han fundraising campaign para ha mga health ngan education needs han Myanmar, usa nga nasud nga mayda personal nga importansya ha ira mahitungod nga nagdto hiya nag-ukoy, nagtutdo, ngan nakilala an iya asawa.
Nahipatik an oras nga 26 oras, 15 minutos, ngan 15 segundos, nga naghatag ha iya hin rekord para ha longest kite flight by an individual.
Nagtikang an pagpalupad hini dida han Marso 14 han aga ngan nahuman pagkabuwas, kun diin gintapo hiya hin palakpakan han mga taga-suporta.
Labot ha rekord, nakatirok gihapon hiya hin AUS$18,843 pinaagi han GoFundMe para ha mga proyekto ha Myanmar.
Nagtikang an iya hilig ha kite flying dida han COVID-19 pandemic ngan pag-iha in nagin kaparte han online kite communities. Han mahibaruan niya nga kapate ini han kultura nga Burmese, nahuna-hunaan niya nga gamiton an iya hobby agud makabulig ha mga apektado han civil war ha Myanmar.
Dire nagin madali an 26 kaoras nga ayat. Ginkinahanglan hini magbiling hin lugar nga paru-padayon an hangin, igpabilin an sakto nga kontro ha banug-banog, ngan magpabilin nga nagmamata ha sulod han sobra usa kaadlaw. Gin updan hiya hin 10 official observers ngan duha nga timekeepers agud siguraduhon an opisyal nga rekord.
Ha katapusan, an simple nga libangan in nagin mahinungdanon nga buruhaton nga naghatag hin bulig ha Myanmar ngan naghipatik hin bag-o nga world rekord.
