TACLOBAN CITY — Patay an usa nga lalake nga aada ha sakto nga pangidaron mahuman lumukso ha usa nga tower ha Brgy. Abucay, Sulat, Eastern Samar.
An biktima in usa nga 28 anyos, waray asawa, ngan nag-uukoy la mismo han nasabi nga Baranggay.
Sumala kan PLt. Anthony Docena, Chief of Police han Sulat MPS Eastern Samar, basar ha inisyal nga imbestigasyon, nakakulob an biktima han makit-an ini ha ilarom la mismo han nasabi nga tower.
Basar naman ha mga pamakiana han mga otoridad, mayda ginpapag-agian nga problema an biktima nga amo an ginhihingita nga rason han pagpapakamatay ha pamaagi hiton paglukso ha usa nga tower han nasabi nga lugar.
Subay naman ha mga kabaranggay han biktima in waray daw ha eksakto nga panhuna-huna an biktima ngan pirmi ngadaw ini nakikit-an nga naglalakat-lakat ha kakalsadahan.
Ha pagkayana in padayon pa an imbestigasyon han mga kapulisan ha hinungdan han pagpapakamatay han mao nga biktima.
