TACLOBAN CITY – Kulang hin impormasyon an ginhihimo nga pagpasabot kun anu gud an panuyuan han ginduduso nga pag-amyenda han Batakan Balaod han Pilipinas, ine in sumala kan Atty. Lutgardo Barbo, Former Governor hiton Eastern Samar.
Sumala pa hine, baga-baga daw hin gintutuyo nga dire sumatan an mga katawhan kun anu gud an nahitatabo o an panuyuan han iginduduso pinaagi han People’s Initiative.
Kulang daw gihapon an pag-edukar ha mga katawhan kun diin ginpapankulba daw an mga senador mahitungod nga bangin dire la an economic provision an amyendaran kundi hasta gihapon an termino han mga opisyal han publiko.
Ha iya naman personal la nga pahayag in baga-baga daw la ine hin nagtatanom hin liso hin pagkasaramok ngan pagka-ignorante kun diin dire ine maupay nga pagtikang han pag-amyendar han pinakahitaas nga balaod han Republika han Pilipinas.
