ENTERTAINMENT NEWS– Iginpaangbit ni Kris Aquino an panibag-o nga update ha iya panlawas mahuman nga igpahayag nga hiya in mayda Deep Vein Thrombosis (DVT), usa nga seryoso nga kondisyon nga durot han pagbug-os hiton blood clots.
Ha kaluyo hine, nagpapabilin nga positibo an Queen of All Media ngan magpapadayon an iya pagpaupay.
Ha social media post hine, ginmalatumat ni Kris nga unom na kasemana nga hiya in naka-confine ngan ginlalauman nga makaka-uli na ine ha masunod nga adlaw.
Gin-esplika niya nga dire hiya pwede nga bumiyahe sakay hiton eroplano hangtod nga dire pa nawawara an mga blood clot.
Mababaruan na kaparte han iya rehabilitasyon an pag-ehersisyo ngan paglangoy, sanglita naghahangyo hiya hin bulig ha publiko nga makabiling ine hin lugar nga mayda swimming pool harani ha ospital.
Ginpaangbit gihapon ni Kris an iya pasasalamat ha medical team nga nakapukos ha iya agud nga panginanuon an iya panlawas.
Ha kaluyo han iya kabutang, ginpahayag ni Kris nga padayon hiya nakikigbisog para ha iya mga anak nga hira Josh ngan Bimby, ngan hinay-hinay nga ginpapag-andaman an paghimo han video podcast nga titikangan naman depende ha iya kondisyon.
