ENTERTAINMENT – Emosyonal nga ginhinumdom ni Queen of All Media Kris Aquino an iya itsura ugsa makaabat hin magkadurudila-in nga sakit.
Manunumduman nga siyahan iginpahayag ni Kris nga mayda hiya siyam nga diagnosed autoimmune diseases ngan usa nga ika-napulo nga resulta hin komplikasyon.
Subay ha usa nga post ha social media han su-ok nga sangkay ni Kris nga hi Dindo Balares, nahimumutang yana hi Kris ha usa nga pribado nga resort kun diin hiya in ginmamangno-an ngan iginpapagluto hin mga organic meals.
Sumala kan Kris, diri maaram iton publiko nga ginmimingaw na hiya hin duro han iya dati nga kalugaringon ngan kinabuhi ngan nabibido hiya kun nahihinumdoman ini.
Ha kaluyo han kabutangan ni Kris, padayon an pagsuporta ngan pag-ampo han iya mga sangkay ngan fans para maupay na hiya ngan mabalik na an iya anay panlawas.
