NATIONAL – Iginpahayag ni NEDA Secretary Arsenio Balisacan nga dire maupay ha mata han mga investors ngan magin ha reputasyon han nasud an mga kontrobersiya nga ginkakadabihan han POGO.
Ha press briefing ha Malakanyang, gin pahayag ni Balisacan nga mas dako an social cost nga igindudurot han POGO ha nasud kumpara ha kita nga ginhahatag hine para ha ekonomiya.
Nagdig-on hi Balisacan nga nakatutok an gobyerno ha paghimo hin de-kalidad nga mga trabaho ngan dire ha paghimo hin mga gambling jobs o dire maupay nga klase hin trabaho tikang ha POGO o ha sugal.
Gintaga-duon gihapon hine nga naniningkamot an goberno ngan mismo hi Presidente Ferdinand Marcos Jr ha pag-aghat han mga mamumuhunan o negosyo ha nasud ngan paupayon an kabutang han turismo.
Dugang pa hine, dire makakaupay an mga nakikit-an han mga negosyante nga dire maupay nga imahe han nasud mahitungod ha magkaduru-dialin nga criminal activities nga ginhimo han POGO.
Natuod hi Balisacan nga mas dako pa maabot o sobra pa an makukuha nga kita han nasud kun mapapahaluag an iba nga mga negosyo kumpara ha kita nga nagtitikang ha la POGO.
