NATIONAL – Ginsigurado han Senado ngan Kamara nga ira hahabulon an pagpasar han pira nga priority bills han administrasyon ugsa mahuman an 19th Congress ha June 11.
Upat nga priority bills an naistoryahan ha LEDAC meeting kaupod hi Presidente Ferdinand Marcos Jr.
Sumala kan Place Press Officer USec. Claire Castro, an nasabi nga priority bill in an masunod: National Government Rightsizing Program, Amendments to the Right-of-Way Act, Amendments to the Cooperative Code, ngan an Proposed National Disease Prevention and Management Authority.
Ha ikawalo nga pagharampang han Legislative-Executive Development Advisory Council (LEDAC), nahipatik nira Senate Presidente Chiz Escudero ngan House Speaker Martin Romualdez nga 32 tikang ha 64 nga legislative priorities han 19th Congress an napirmahan kumo balaod ni Presidente Marcos.
Ha pagkayana, ginhuhulat pa han Kongreso nga mapirmahan han presidente an balaudnon nga Capital Markets Efficiency Promotion Act, nga mag-iiban ha buwis han mga stock transactions.
