TACLOBAN CITY – Nagkaengkwentro an tropa han kasundaluhan ngan an rebelde nga New People’s Army (NPA) ha usa nga tago nga barangay ha Catarman, Northern Samar.
Sumala kan LtC Raymund Picut Jr, Commander han 43rd battalion, nga magdudumara unta hira hin operasyon ha Barangay Mabini han tigda nga gintambangan hira han rebelde nga NPA.
Umabot naman ha 15 minutos an balyuay han buto han magkaiba nga kampo.
Sumala kan Picut nga maswerte naman nga waray may nasamaran o namatay ha kampo han kasundaluhan.
Samtang, diri naman nira madetermina an casualties ha kampo han rebelde nga grupo.
Samtang narekopo naman ha mao nga operasyon an M16 riffle, Shotgun, hand grenade, Laptop, cellphone, mga magazine, kaupod liwat an 22 backpacks nga mayda sulod nga personal higamit han rebelde ngan pira nga mga pertinent documents.
