Usa nga haluag nga scam ha mga merkado ha nasud Ecuador an iginbuyagyag han mga siyentipiko mahuman madiskubre nga haros katunga han mga iginbabaligya nga corvina in tikang ha karne han pating.
Ha usa nga pag-aram nga ginpublisar ha Frontiers in Marine Science, gumamit an mga researchers hin DNA testing (PCR) agud panginanuon an mga iginbabaligya nga isda.
Gumaweas ha resulta nga 47.42% han mga corvino samples in tikang ha magkadiru-dilain nga klar hin pating, kaupod an mga protektado ngan naninilikado nga species sugad han hammerhead shark.
Subay ha report, an pangunahon nga motibo ha luyo han panguwat in an dako nga kita. An tinuod nga corvina in iginkokonsidera nga premium nga isda ha Ecuador. Ha kaluyo nga bahin, barato an karne han pating mahitungod ha demand han mga mamaralit hini.
Agud makapanguwat, gintitiros han mga sindikato an karne han pating agud magin baga-baga hin ordinaryo nga white fish fillet ngan iginbabaligya ha mas hitaas nga presyo han corvina.
Ginsisingabot nira an mga mamaralit ha mga syudad ha kabukiran sugad han Quito, mahitungod nga harayo an mga ini ha baybayon ngan dire sugad ka-pamilyar an mga ini ha tinuod nga pustura ngan rasa han presko nga isda.
Duon han mga eksperto, kinahanglan an paggamit hin teknolohiya ha mga merkado agud maproteheran an mga mamaralit ngan maundang an patago nga pag-ubos ha mga endangered nga pating.
