Usa nga kakaiba nga anak-araw o albino nga karabaw an nagin instant celebrity yana ha Bangladesh mahuman ini tawagon han mga lokal nga residente kumo hi “Donald Trump” mahitungod ha kolor gold nga bangs hini nga daw kaparehas han sikat nga kaarot han US President.
An karabaw nga natimbang hin haros 700 kilos in ginpadako han usa nga umhanan ha distrito han Narayanganj, harani ha kapital han Dhaka.
Mahitungod ha kakaiba nga hitsura hini nga mabusag nga panit, kulay pink nga irong, ngan blonde nga buhok, malaksi nga nagsarang ha social media an iya mga litrato ngan video, nga nagin rason agud pagdaramuan ini han mga katawhon nga nagtikang pa ha harayo nga lugar para la makag-selfie kaupod an hayop.
Subay ha tag-iya han umhanan nga hi Ziauddin Mridha, an iya manghod an nakahuna-huna han ngarani nga Donald Trump para ha karabaw. Ha kaluyo han dako nga sukol hini, gintagan-duon ni Mridhan nga maamo an karabaw ngan dire ini agresibo.
