TACLOBAN CITY — Nagdumara hin Joint Oplan Galugad an mga kapulisan kaupod an 5 nga mga Prison Guard ha usa nga silda ha Leyte Sub-Provincial Jail ha Hilongos, Leyte.
Manilampuson nga nakompiska han mga otoridad an 1 ka sachet han gintutuuhan shabu ha posisyon han usa nga preso nga ginkilala ha ngaran nga Dominador Zarco alyas Boyoy.
Pira ha mga narekober ha cell #3 an 1 ka unit hin cellphone, magkadurudilain nga drug paraphernaliangan 5 ka bugos nga Deadly Weapons (Improvised Knives).
Sumala kan PSInsp Ronald Espina, hepe han Hilongos PNP, nga pira na nga report an ira nakakarawat tikang ha mga jail guards kaparte han illegal nga droga nga nakakasulod ha mao nga presohan.
Samtang, mas papahuruguton naman daw nira an pagbubuhaton nga pagbabantay agud nga waray may mga makakapasulod hin illegal nga droga ha mao nga presohan.
