-- Advertisements --
TACLOBAN CITY – Ginpasarang an mga kapulisan han syudad han Tacloban para han pagtikang han pagsalawad han mga Certificate of Candidacy ha syahan nga adlaw han Oktubre, kakulop.
Sumala kan Tacloban Cify Police Office, Information Officer PLt.Col. Allan Camasin, mayda mga kapulisan nga nagpaka-sarang ha bug-os nga syudad labi na ha may bag-o nga opisina han Commission on Election han Tacloban.
Baynte-kwatro oras naman an magigin pagbabantay han mga kapulisan ha mga lugar nga gin tudlok han kapulisan.
Panuyo han nasabi nga deployment nga mamentinar an kamurayaw ngan kahimyang han pagsalawad han mga COC han mga nag-uungara nga makalingkod ha pwesto han gobyerno.
