-- Advertisements --
TACLOBAN CITY – Nagtutuo hi anay Justice Appelate ngan yana Leyte 3rd District Representative Cong. Vicente Ching Veloso nga imposible daw nga malimpyuhan han administrasyon ni Presidente Rodrigo Duterte an ilegal nga droga ha nasud san-o mahuman an termino hini.
Sumala kan Cong. Veloso, baga baga hin sakit nga kanser nga ada na ha stage 3 an kabutangan han ilegal nga droga ha nasud sanglit imposible ini nga malimpyuhan ha sakob la hin tulo katuig san-o mahuman an termino han presidente.
Una hini, mahinunumduman nga ginpahayag ni Presidente Duterte nga karuyag hini nga ma-eradicate an ilegal nga droga ha nasud san-o mahuman an iya termino.
