Gin klaro han kampo ni Coco Martin nga waray koneksyon an aktor ha anuman nga klase hin sugal o online gaming platforms nga nagsasarang online ngan iginduon nga dire ini niya gin eendorso.
Ha usa nga pahayag han CCM Film Productions, gintagan-duon hini nga anuman nga endorsement, post ha social media, o materyles nga nagpapakita han ngaran, nawong, o anuman nga koneksyon han Coco ha huygo in dire otorisado ngan panguwat la.
Gin abisuhan han kampo an publiko nga magin vigilante ngan likayan an pakikiapi ha sugad nga klase hin mapanguwat nga promosyon.
”Para sa mga opisyal na anunsyo at lehitimong endorsements, mangyaring tumingin lamang sa kanyang mga opisyal at beripikadong channels,” subay ha post han CCM.
Hi Coco, nga nakilala ha mga sikat nga teleserye, in presente nga nag-aandam para ha bag-o nga serye hini, kaupod an iya partner nga hi Julia Montes.
Syahan hini, ginmalatumat han Cybercrime Investigation and Coordinating Center (CICC) nga may mga suspetsa an mga ahensya han gobyerno nga mayda pira nga celebrities ngan influencers nga dabi ha pagpapasarang han ilegal online gambling.
