NATIONAL NEWS– Ginmalatumat ni House Prosecution Team member Rep. Joel Chua, nga magrereserba hira hin impeachment rules, mahuman an nagin pinal nga desisyon han Supreme Court nga nagdeklara nga unconstitutional an impeachment ni VP Sara.
Sumala kan Chua, makikighimangraw hiya ha iya mga katrabaho kun anu an maupay nga bag-uhon nga patakaran, kaupod na gihapon an mga input han mga naghaon han impeachment complaint, matungod nga pira ha mga ine in miyembro han House of Representatives.
Posible nga magkamayda gihapon hin pagbabag-o ha komposisyon han Prosecution Team.
Ginmalatumat naman ni Rep. Jonathan Keith “Atty. John” Flores mayda la gihapon lugar an Kamara agud nga sundon an desisyon han SC samtang ginpapabilin an co-equal authority han House ha impeachment matters.
Dugang pa hine, an bag-o nga patakaran in kinahanglan ginpanginano hin maupay an pagbug-os agud nga igpatuman an due process nga ginpapatuman han SC.
Papanginanuon nira hin detalyado an bug-os nga desisyon ngan an mga bulag an opinyon han mahistrado, agud nga magin hapsay an statutory construction ugsa nga igpatuman an rebisyon.
Ginmalatumat pa ni Flores nga andam an Kamara ha nasabi nga pitad ngan ginsisigurado nga an rebisyon han Rules on Impeachment in magigin balanse.
