TACLOBAN CITY – Ginklaro han Leyte II Electric Cooperative (LEYECO II) an rason han unscheduled power interruption nga naeksperyensyahan ha pira nga mga lugar nga nasasakupan hini.
Sumala kan Christopher Garcia, Institutional Services Division Head han LEYECO II, nga nagkaada hin pagkawara han suplay han kuryente mahitungod han overloading power ha Campetic Substation.
Ini in mahitungod nga diri na akos han power transformer an kahitaas o kadako han konsumo han kuryente ha mga lugar.
Samtang, ginklaro naman han mao nga opisyal nga waray sadang ikabaraka an mga konsumidor nga humitaas an ira mga baraydan o electril bill mahitungod han tigdaay nga pagkaparong parong han kuryente.
Sumala kan Garcia, waray koneksyon an tigdaay nga pagkaparong han kuryente ha baraydan han mga konsumidor.
Sagdon gihapon hini ha publiko nga dayon nga ig-unplug an mga nagpakasaksak nga appliances ha balay kun in kaso nagkakaada hin tigdaay nga power interruption.
