-- Advertisements --
TACLOBAN CITY– Maabot ha 10 hectars an ginkaon hiton kalayo matungod hiton grass fire nga natabo ha Barangay Pagbabangnan Homonhon Guiuan Eastern Samar.
Sumala kan FO3 Robinson Abunales,Fire and Arson Investigator Guiuan Municipal Fire Station, sobra 8 ka-oras ugsa nga mapuypoy an kalayo.
Aminado ine nga nakurian hira nga maparong an kalayo, matungod han kakusog han hangin nga nakagduroy paglarab han sunog.
Waray naman may nadamay nga panimalay, magin nasamaran o namatay ha nasabi nga insidente.
Ha pagkayana, under investigation pa an panhitabo kun anu an nagin hinungdan han sunog.
Nanawagan naman ine ha publiko, nga likayan la anay an pagsurit bisan diin, matungod nga mahangin an panahon nga pwede makag kawsa hin sunog.
