Pormal na nga ginhangyo han defense team ni anay Presidente Rodrigo Duterte ha International Criminal Court an interim release han anay Presidente mahitungod ha maiha na daw nga paka-delatar ngan dire maresolba nga logistical issue ha panginano ha kapas hine nga umatubang ha pagdungog.
Subay ha depensa ha pangunguna ni Atty. Nicholas Kaufman, ginkikilala nira an paningkamot han Registry ha pag-aandam han redacted materials para ha konsideraston han Pre-Trial Chamber.
Pero iginduon han depensa nga an isyu ha panlawas han anay presidente in nauna na nira nga igindaop ugsa paman an iya inisyal nga pag-atubang ngan duha nga request na gihapon an para ha status conference ha usa nga “considerable time ” an ira iginpasa agud mabaton an isyu, butang nga ginbaribaran naman ha parte han prosekusyon.
Iginduon han depensa nga igin ugsod hin waray kasiguraduhan an confirmation of charges, ha kaluyo pa han nauna nga mando han Pre-Trial Chamber para ha halipot nga adjournment la.
Igin rason gihapon han depensa an logistical issue nga gintudlok han Registry nga posible makagpa-iha daw ha pagdungog ngan an pagka-delatar an nasuporta ha kaso para ha provisional release han anay presidente.
