TACLOBAN CITY – Usa nga insidente hin pamusil an nahipatik ha Brgy. Uyawan Carigara, Leyte.
Ginkilala an complainant kan Marvin Torevillas, 48-anyos an pangidaron, businessman, ngan residente han Brgy. Uyawan Carigara, Leyte, ngan an witness hine nga hi Ronnie Piad, 50-anyos an pangidaron, usa nga laborer, ngan residente han Brgy. Ginadjungan, Capoocan Leyte.
Samtang ginkilala naman an mga suspek kanda Mark Lester Tagpis, ada ha legal nga pangidaron, ngan residente han Brgy. Lower Hiraan Carigara, Leyte ngan Nicole Tagpis, ada ha legal nga pangidaron, ngan residente han Brgy. Uyawan Carigara, Leyte.
Sumala kan PMaj. Ambrocio Demain, Chief of Police han Carigara Municipal Police Station, personal nga delito iton rason han pamusil han suspek ha complainant.
Basar han inisyal nga imbestigasyon han mga kapulisan, nag-iinom iton complainant ngan witness ha balay hiton complainant han ginpabuthan an nga hine han suspek gamit an waray pa hisabti nga calibre hin pusil.
Gin ayat naman daw hiton suspek an complainant ha usa nga away ngan dayun naman nga lumakat.
Nakumpiskar naman hiton mga otoridad, an usa nga bala dida han mga sumunod nga imbestigasyon.
Padayun naman an gindudumara nga imbestigasyon han mga kapulisan, para han pag-aresto han mga suspek ngan pagpasaka han mga kaangayan nga kaso.
