EASTERN SAMAR – Sumaka ha 3% an inflation rate ha probinsya han Eastern Samar dida han nakalabay nga bulan han Enero 2025, subay ha igin pagawas nga datos han Philippine Statistics Authority Provincial Office.
Sumala kan Philippine Statistics Authority-Eastern Samar Supervising Statistical Specialist, Suzanne Amosco, tikang ha 2.6% nga inflation rate dida han Disyembre 2024, in sumaka ine ha 3% ha syahan nga bulan han tuig-2025.
Samtang, kumusog naman an ekonomiya han Eastern Samar dida han 2023, kun diin tikang ha 6.9% dida han tuig-2022 in nagin 8.1% ine dida han tuig-2023.
Ine naman an pinakamalaksi nga pagsaka han ekonomiya han nasabi nga probinsya kun igkukumpara ha ngatanan nga mga probinsya ha rehiyon.
Usa gihapon an Eastern Samar ha Top 10 nga mga probinsya ha nasud nga malaksi an pag-ursa han ekonomiya.
(Via Bombo Shiela Encio)
