-- Advertisements --
NATIONAL – Ginlalauman nga masaka na naman an inflation rate ha nasud ha butnga han hitaas nga presyo han pagkaon ngan petrolyo dida han Oktubre.
Ha pagtataya han Bangko Sentral ng Pilipinas, posible nga aada ha 2% kutob 2.8% an inflation ha mao nga bulan.
Eksplikar han BSP, nagkamayda hin paghitaas an kantidad han mga food commodities sugad hiton mga utanon, prutas, ngan isda.
Labot la hini, dako nga epekto an naidara han peso depreciation ku diin humitaas an presyo han mga papliton dida han Oktubre.
Samtang, ginsisigurado naman han central bank nga igpapadayon nira an measured approach agud masigurado an kadig-on han presyo ha mga papliton ha nasud.
