TACLOBAN CITY – Pokus hiton gindudumara nga monitoring hiton Department of Agriculture an mga imported commercial rice ngan local commercial rice.
Sumala kan Brenda Pepito, Chief hiton Agribusiness and Marketing Assistance Division han Department of Agriculture Regional Office Vlll, ha pagkayana an suplay hiton imported commercial rice ha mga retail nga merkado in depresyente o nagkukulang, abilable naman daw ine pero kulang iton suplay.
An nasabi nga klase hin bugas in nagtitikang daw ha Vietnam, Pakistan, ngan India.
An local commercial rice nga tikang ha Leyte ngan Samar nga ada ha kategorya nga special in ada ha P55 an presyo kada kilo, as of October 5, dida naman daw han katapusan nga semana han Setyembre in nakada ha P54 an presyo han kada kilo hine. Naghitaas an presyo hine mahitungod nga naghitaas gihapon han presyo an supplier han nasabi nga klase han bugas.
Samtang, an premium local commercial rice naman in may paghitaas gihapon nga P5 ha kada kilo kun diin dida han Setyembre 28, an kilo hine in ada pala ha P55 pero yana nga sumulod nga semana in ada na ha P60 an kada kilo hine, ine in mahitungod naman daw nga kulang iton suplay han nasabi nga klase hin bugas rason naman han pagbalyo tikang ha Sinandomeng tikadto ha Ganador kun diin hitaas daw iton demand hiton Ganador nga bugas.
