NATIONAL – Nagpahimatngun an Philippine Constitution Association nga nagin ruling han Korte Suprema nga ideklara nga pagtalapas ha Batakang Balaod, an impeachment proceedings kontra kan Vice President Sara Duterte.
Sumala kan PHILCONSA Chairman retired Chief Justice Reynato Puno, bisan man ginrerespeto nira an Supreme Court in tumalapas ini ha limitasyon, ginbungkag an prinsipyo han separation of powers, ngan ginpahinay an gahum han Kongreso nga pagbatunon an mga impeachable officials.
Bumaribad hira ha interpretasyon han mga mahistrado ha one-year bar rule nga may panuyuan nga malikayan an harassment ha pamamaagi hiton pauro-utro nga impeachment proceedings, ngan dire agud proteheran an mga impeachable officer ha pamamaagi han pagtakop ha filing han petition.
Mahitungod hini, ginaaghat ni Puno an Senado nga nagsisirbi nga impeachment court nga himuon an ira mandato ngan ipadayon an impeachment.
Maandar mangud an kaso kun may makita na nga sakto nga basaran ha reklamo ngan nai-refer ha Committee on Justice.
