NATIONAL – Natuod hi Presidential Anti-Organized Crime Commission (PAOCC) spokesperson Winston Casio nga kinahanglan magtikang ha mga law enforcement agency an imbestigasyon kasumpay ha paglayas ni Alice Guo kauppod an iba pa nga indibidwal nga dabi ha ilegal nga operasyon han Philippine Offshore Gaming Operators.
Sumala kan Casio, sigurado nga mayda nagpabaya ha mga ahensya nga natutok ha kaso ni Alice Guo ngan han mga POGO operation ha kabug-usan.
Angay daw gihapon nga maimbestigahan ngatanan han mga ahensya nga nakatutok hine kaupod na an PAOCC nga usa ha mga nagdumara hadto hin raid ha duha nga dagko nga POGO ha Bulacan ngan Pampangan.
Gintawag gihapon ni Casio nga ‘napakatanga’ han ngatanan nga aada ha law enforcement mahitungod nga waray han mga ine mabantayan ngan makit-an an mga posible nga himuon ni Alice Guo.
Ginmalatumat pa ni Casio nga dati na nga nakakarawat hin impormasyon an PAOCC kasumpay ha daw paglayas ni Guo sakay han duha nga speed boat.
