-- Advertisements --
NATIONAL – Nagpapabilin nga hamubo an ihap han mga Overseas Filipino workers nga nagparehistro para makabutos ha nagtitikahirani nga 2025 midterm elections.
Subay han Comelec, target nira nga makagrehistro hin 1.486 milyon nga mga overseas voters para ha nasabi nga eleksyon.
Pero ha pagkayana in aada la ha 1.1 milyon an nagparehistro kun diin mas hamubo ini kontra ha target han komisyon.
Ha kaluyo hini, igin pahayag ni Comelec Chairman George Garcia nga hira in nakakaintindi nga makuri para ha OFWs nga makag-rehistro mahitungod na gihapon ha ira mga trabaho, samtang an iba naman in posible naukoy ha mga lugar nga harayo ha registration sites.
