TACLOBAN CITY – Padayon la gihapon an pagdugang han ihap han enrollment ha rehiyon ha kaluyo nga ada na ha ika-tulo nga semana an klase tikang han pagtikang hine dida han Hulyo 29.
Sumala kan Jasmin Francisco Calzita, Information Officer hiton Department of Education Regional Office VIII, ada na ha 1,140,089 an presente nga ihap han mga kabataan nga naka-enroll yana nga school year ha bug-os nga rehiyon kun diin, 90. 68% pala ine han kabug-usan nga ihap han enrolled pupils dida han nakalabay nga school year nga ada ha 1,257,287 pupils.
Nakatalaan naman ine nga madugangan pa mahitungod nga an iba han mga istudyante in posible daw nga waray pa makag-desisyon kun hain hira nga iskuylahan mapa-enroll o iba pa nga rason.
Basar naman hiton kamanduhan tikang ha DepEd Central Office in pwede pa nga maka-enroll an mga late enrollees ugsa pa mahuman an syahan nga quarter han iskuylahan.
Naghangyo naman an nasabi nga opisyal ha mga kag-anak ngan istudyante nga waray pa makag-enroll nga igpa-enroll na an ira mga anak.
